أنا الشاعر كلامى متاح
أنا بكتب عشان ارتاح 
ساعات أشكى من خوفى 
ودموعى ساكنه فحروفى 
بطلع حزن جوايا 
برميه قدامى وورايا 
لو استنى يزيد همى 
بيرميه ع الورق قلمى
شعرى طبيبى وسلاحى 
يداوى وجعى وجراحى
أنا الشاعر ساعات احكى
يبكينى ساعات ضحكى
ساعات الحرف يحبسنى
ساعات الكلمه تعاكسنى
وبكتب كلام كتير وانساه 
واتبرى منو لما اقراه
واقول نزلنا وطلعنا
وكلام كتير ملوش معنى 
لكن بكتب عشان ارتاح
وأصنع م الهموم افراح