اهـى دنيـا وبتعـافـر فينا
يوم تجـرحنا ويـوم  تداوينا
يـوم تدبحــنا ويـوم تواسينـا
وأهـو يـوم بيعـدى مـن عمـرنا
 وإنتهينا
عشقـنا بيعـنا إشـترينا
عطشـنا جوعنا  إشتكيـنا
عيشـنا موتنـا إتنسـيـنا
م هى يوم تدينا ويوم  تجـافينا
ويـوم تخطـف أعــز م لينا
اه يادنيا ياللى 
المتغـطى بيكـى  عـريان
لا فيك الغنى مرتاح 
ولا فيـك الفقـير  شبعـان
صدقينى ممكن ييجى اليوم علينا
نمـوت وم حـد يـدرى  بينـا
ولا نلاقى اللى يكفنا
ولا اللى يدفن جثتنا  ويتـوينا
عشان إتمليتى بالحيتان والقروش
وبقى فيـك شياطين  م بيرحموش
حـــرام حـــلال م بيفـرقــوش
 اللـى ماسك السبحـه ووشه بشوش
واللى شايل المصحف ومبيفتحوش
 واللى عنده بدل البلطجى جيـوش
نعـزيك يادنيـا ولا تعـزينا
فيـن الطيـب فيـن الشـريف
فيـن النظيف فيـن  العفيـف
بيجــرو يادنيـا ورا الرغيــف
والحراميه بيشتوا ف شرم الشيخ
وبيصيفوا  ف مارينا
واحنـا خـلاص يادنيــا بجــــد
تعبنا منك واستكفينا