ياما شفنا فيكى يا دنيا 
ناس دهب وألمونيا
وشوش غير القلوب
ناس ماشيه بالمقلوب
إدفع بقى العربون 
ونقول عليك مجنون
وجرى ع الفاضى 
حاجب وراه قاضى 
طفل رضيع 
وأب وضيع
إنسان خسيس 
وحيوان حسيس
وكل شكل ولون
وضحك ع الدقون 
 سنين نقضيها 
وناس نقاضيها
وناس نسامحها
مغصوب تصالحها
سامع بصوت واطى 
أنا مش ممكن هطاطى
حلم وللا علم 
حرب وللا سلم 
نملا ونفضى 
والعمر بيعدى
أنفاس وبنعدها 
منعرف إيه بعدها
شيل على اكتافك وحط 
إتعلم ياخويا النط 
معاك كام فلوس 
عشان نوطى نبوس
كلام هرى فهرى 
تعبت خلاص م الجرى
عمال بتنهج ليه 
متقول خايف من إيه
سيبونى آخد نفسى 
أنا مش هبيع نفسى