فى بيوتنا وبردانين 
يا ساكن الخيمه 
واطفال صغار مساكين 
لاذنب ولا جريمه
صحينا وضميرنا نام 
فين هوا دا الإسلام
شبعنا منكوا كلام
صومنا وصلينا 
حج وحجينا
ولحمنا رمينا
ذنوبنا بقت بالكوم 
راح يعمل ايه الصوم 
فينا اللى متعمد 
أطفال بتتجمد 
فينا اللى قلبو حجر 
وفينا اللى فجر
عينى عليك يا شريد 
الناس قلوبها حديد
قلبى عليك ومعاك 
ربك هيتولاك 
هيا كدا الدنيا 
بنعمل فيها شيوخ 
واحنا حاجه تانيه