محتاجه حد يفوقني
من حلم انا شيفاه
آل ايه قدامي سنيوره
وانا برقص عاملة صغيوره
لابسه جونله اصيوره
العب واتنطط ذي العصفوره
وف جوه البيت او ف الغيط انا مبهوره
اتشعبط واتمرجح واجري اخدلي كام صوره
والفرحه تيجي ف عنيه وانا ماسكه الحبل ويا الكوره
وف عز الشمس الدهبية
امشي وانا لابسه طاقية
عامله بنت بارم ديلة
والرمش مكحل على عودة
والورد طل على خدودة
انا اصلي شقية
بت تحب الملاغية
وتيجي ساعه العصرية
استني الواد عند الفاسقية
اداره من امي وابوية
اصلي صبيه محتاجه حنية
والليل بينادي بسواده الهادي
نامي ياجنية
خلي لبكرة شوية
وانعس واغفل غفلاية
واصحي على ضحكايه
من حلم كان جوايه
محتاجه حد يفوقني
من حلم انا شيفاه