جارى التحميل
استخدم زر ESC أو رجوع للعودة
هاعمل نقابة للطيبين
واقولهم انتوا اخواتي
اجمع فلوس الشاعرين
واحقق بيها طموحاتي
50 جنيه بعدين 30
سعر الفرد في ندواتي
ومغنين وكمان تلحين
علشان اوسع علاقاتي
-
وكل شهر اعمل ندوة
ومصلحة بدل القهوة
ويجمعوا حق الغدوة
اصدقائي وصديقاتي
-
هي النقابة وانا النقيب
ولا محاسب ولا رقيب
ريس عصابة للتهليب
ودي احدث ابتكاراتي
-
وهجيب شعبان كروان
يعمل لي شوية الحان
ينصب على كام فنان
ويغني كمان كلماتي
-
عندنا حبة عصافير
بيعوموا مع التغير
يجيبوا اخبار كتير
وياخدوا من بركاتي
-
واللي يقولنا تصحيح
هنقولوا إخلع يا فصيح
الناس عايزين مراجيح
واخدين على سلبياتي
-
واللايحة اهي بتقول
ادفع السنة علطول
قاتل انا يا مقتول
فداكي يا إنجازاتي
-
هاعمل نقابة للتهييس
بلا رخصة او تاْسيس
تلبسوني بدلة عريس
والبسكم في قراراتي
