لو فرقت حضنك ياامى ماتستنيش رجوعى
أنا ماشى وشايل كفنى بين ضلوعى
ياهموت فى الميدان وأنا بطالب بحقوقى
ياهموت ع الحدود على إيد إرهابي
ياهموت محروق فى القطر وانا مسافر
ياهموت غرقان فى البحر وانا مهاجر
ياستسلم لي شيطانى وانتحر واموت كافر
ماتحطيش إيدك على بوقى 
ماتقوليش الشر بره وبعيد
ملى عينك منى واشبعى 
مع كل طلعت يوم جديد
خبينى فى حضنك على قد ماتقدرى
واسقينى من صبرك بس بلاش تكترى
عشان أنا مش هصبر صبرك 
يامغلوبه على أمرك دنا لو صبرت صبرك
مش بعيد أموت غرقان فى دموعى