أنا من هناك مش من هنا كان ليا دار فى حينا وليا أهل كتير وناس أنا مش بناء من غير أساس وليا هويه وإسم ووطن وتقدر تقول عنى فطن وفكركم دمر كيانى وطياراتكم هدت مكانى حقى على الأرض أعيش هنا أو هناك متمشينيش متصغرش منى وتقلل ولا تسمينى متسلل وشيل أسلاكك والحراس أنا واحد زى كل الناس كان حقى أدخل هنا فى النور إنتا اللى بانى حاجز وسور وراسم خريطه ليك وحدود الله يرحم الجدود إفتح التاريخ هتلاقى جوا كلنا ولاد آدم وحوا أنا جنسيتى إنسان ووطنى هوا أى مكان الأرض ملك للجميع مش ناس تعيش وناس تضيع هصرخ بعلو صوتى وأكتب أنا من مواليد هذا الكوكب
