ماتفكريش إني من جوه فاضي
علشان بضحك وعامل راضي
-
انا عاصي انا بقاسي
وبكتم جوه إحساسي
هموم بالكوم تغطيني
وقلبي يقوم مبكيني
وحتى النوم على عيني
بيصعب زي اْنفاسي
-
اْنا رافض هواكي اذل
ماقدرش اكون بالمثل
وعشقك لو جبل هيقل
جرحك لازم يوجعني
انا واقف على هامش
بتحرك ومش عايش
عن الدنيا انا حايش
بركان زمان ضيعني
-
انا مطحون الظروف
غنوة قاتلها الخوف
نظرة عين مكسوف
ولا حاجة بتفرحني
مش قابل إني اْكون
قاضي حكم بجنون
انا البريء مسجون
انين حسي مجرحني
-
عرفتي ليه انا ببعد
وعامل مش لاقيكي
وويا روحي بعند
مع إن روحي فيكي
صعب اكون جرحك
كده او كده ماضي
تسرقني لملامحك
اْشواقي ونبضاتي