علمنى ملو الجيوب
شاورلى على السكه
متقولش دا مكتوب
خليها بالبركه
لو زى ما بتقول
ليه كلنا بنجرى
بالعرض أو بالطول
وبنسبق المجرى
وليه محدش كمان
راضى كدا بحاله
وبيلعن فى الزمان
لما يغيب ماله
وليه كتبتونى
فى صفحة الفقرا
لا يوم شاورتونى
ولا بعرف انا أقرا
من صغرى بتعلم
إن القناعه كنز
طب هاتلى يا معلم
نص كيلو برنز
وليه انا اللى أعيش
شايل يوماتى الهم
راضى ومشتكيش
وفقرى وصل للدم
لو بس تخدمنى
وتعمل فيا معروف
وترجع تقدمنى
لما تراجع الكشوف
رجعنى م الأول
واكتبنى من جديد
وقول دا متحول
من تعيس لسعيد
