صبحلى ع الرجاله
العرقانه الشغاله
بتاكل من عرق جبينها
بتشقى وربنا يعينها
دول شيالين الهموم
م الفكر طار النوم
وداخل عليهم عيد
وولاد ولبس جديد
وبعد منو المدارس
والكل حاسب ودارس
ومنهم اللى حلف
لولادوا لو يستلف
كل الطلبات مجابه
لو من فوق السحابه
وما يخلى ولدو يحس
مبين صحابو بنقص
يشتغلوا ليل ونهار
علشان يكفوا الدار
كل فلوسهم حلال
عرق الساعات الطوال
مش زى اللى بيرتشوا
ومن الحرام حوشوا
وعايشين فى النعيم
ولا شافوا سين ولاجيم
ولا حد مره سألهم
إزاى جمعوا أموالهم
وازاى يا خفا يا زوق
تقفز فى لحظه لفوق
لو من دم الفقير
كلو فى لحظه يطير
بتنهب الملايين
وهما مش لاقيين
عرق الفقير كالنار
لو يوم فى جوفك صار
وترجع تردوا تانى
علاج بالشيئ الفلانى
مين يقرا ومين يسمع
ومين عينو ع الفقير تدمع
