يامجمع الالاضيش
والعصافير الفتانة
انا بقى مايهمنيش
كل الناس التعبانة
ويا شاب يا امور
يا لابس الطرطور
بيقولوا عليك شطور
مبدع في الخيانة
طالع فيها بوشين
شمال ياخدك يمين
عامل زي التعابين
وحكايتك خلصانة
قابلت صنفك كتير
ناس مني تطق تغير
فنان بس على كبير
عندي شرف وامانة
طيب ومش بكلام
شديد وراجل تمام
مهما تصدق اوهام
وتغني الهوا جانا
على نفسك يا لئيم
اجدع منك وحريم
اتقي شر الحليم
بطل لعب معانا
ياللي بتنقل اسرار
يا معدوم الافكار
عصفورلكن حمار
تابع حزب افانا
فاكرني زيك جبان
مش بيخاف الفنان
إجري وخد مكان
اولع في الكرخانة
وابقى سلملي عليه
رئيسك اسمه ايه
ولما تبوس ايديه
قوله يديك إعانة
وخون عشان عنيه
كون عصفورة ليه
اهم حاجة ارضيه
يا ابو ذمة خربانة
