بحبك يا ليالى الصيف 
وهوا البحر جى نضيف 
وأعد وارتاح من المشاوير
واسبح فى الفضا وأطير
والقمر طالع مفيش زيه 
فارش على الوجود ضيه 
وصوت الموج يوشوشنى
يقول لو أمشى هيحوشنى 
عاوزنى ابات هنا وياه 
أسمع حكايته واعيشها معاه 
هيحكيلى عن العشاق 
كانوا يطفوا هنا الأشواق 
وناس كانوا بيتعاتبوا
وبعد شويه يتصالحوا 
وناس زعلانه 
وناس غيرانه
وناس فى الغرام هيمانه
هنا ع الشط والميه 
كلام يتقال بحنيه 
وأى كلام بيتسدق 
وأمانى ياريتها تتحقق 
ليالى تزورنا زى الضيف
تيجى وتمشى كأنها طيف 
بحبك يا ليالى الصيف