الكورونا
بقلم الشاعر / فؤاد الشيخ
ولد واللا بنت
شايب واللا كومى
يا لعبة الكوتشينا
قربت اطلع من هدومى
شهور محظور ف بيتى
مش فارق بكره من يومى
اكل وشرب ومرعى
وصحيانى بقا نومى
والحد زى الجمعه
وولادى مابيجونى
اصل الكرونا واقفة
مانعاهم ومنعونى
اوعي تبوس الولاد
تعديهم ويعدونى
والموت قش عباد
بالكرونا مدفونى
والخوف ف البلاد
الكرونا مسكونى
وايديها ع الزناد
اموتكم قبل ماتموتوني
ڤيروس ماله ميعاد
يا يجيلكم يايجيلي
واقف لكم بالمرصاد
احاربكم وتحاربونى
