وتاه حرفي واحساسي 
وتاهت دنيتي وناسي 
نزلت بحور ماليها امان
ولا للبر انا راسي 
بحور مليانه بالاحزان
وتهمني ان انا قاسي
ومش عارف 
ومش شايف 
ولا لاقي لفرحي مكان
بقيت وحدي
بقيت خايف 
وع الحال دا بقالي زمان 
نسيت نفسي 
نسيت شكلي
نسيت ان انا انسان 
نسيت انا مين 
وساكن فين 
نسيت الاسم والعنوان
منا تايه في بحر غريق
وهاهرب فين من الاحزان
يا دنيا حني بالراحة 
ليه تيجي دايما ع الغلبان
وليه ناسك بقوا خاينين
وباعوا الجسم في الاكفان
عشان حبة فلوس زايلين
طب ازاي يبقي ليكي امان