اخص عليك يادي الجنيه
كنت اشيلك في جيبى
وامشى وانت معايا
وأحس إنى باشا
واللا بيه
دلوقت فص ملح وداب
تدور عليه ماتلاقيه
وكإنه جن موش جنيه
حتى مسح الشوز
مايساويه
او رغيف عيش حاف
يادوب تاكل بيه
وبتقول لسه عليه جنيه؟
لأ. شوفوله اسم تانى
علي قده يساويه
زي اخوه السودانى
اللى ماعاد حد 
يدور عليه
او يشتري بيه
تعالوا ننسى كلمة جنيه
تعالوا نرجع للمقايضة
رز نقايضه بزبيب
او كيلة قدح طحين
نعمل كام رغيف
من حتة عجين
وبدالهم كيلة تمر ناشف
نبلهم في رمضان
ع الفطار
وسيبنا من الجنيه
اللي وقع وطار
يمكن الدنيا ترخص
والاسعار نارها تبرد
والناس تهدا وترتاح
وترجع بركة زمان
والعيشة تبقي براح
وارجع تانى ابقي بيه
وبلاش تقولوا تانى
كلمة جنيه