شوف واعتبر وخد العبر 
كسر النفوس ما بينجبر 
قول هسمعك ألله معك 
تزرع بنى آدم يقلعك
بادئ ومعاك حبه مبادئ
مش كل من قالك صادق
وساعات إنسان ياخد الأمان 
تلقاه نسى وغدر وخان 
من ناسك تزرعو وبفاسك 
يكبر ويفرع فوق راسك 
مظلوم بس انتا عليك اللوم
فكرت عسل النحل يدوم
تديه فرصه يقرص قرصه 
ويشوف وجعت وللا لسه 
تعمل معروف يرجع متلوف 
فقلوب لا بتسمع ولا بتشوف
زرع الضمير مطرحش كتير 
إزرع مكانو فجل وجرجير
من حرصى بقولك وبوصى 
الناس بتقول نفسى نفسى 
دى قصص كتير بس اصتبر
شوف واعتبر وخد العبر
كسر النفوس ما بينجبر