قالوا .. احنا العرب 
ياما لينا امجاااااد
من مراكش للبحرين ..
ومن صنعاء لحدود بغداد
قلنا .. هاتوا اماره على امجادكوا
نحكيها حتى .. للأحفاد
بس بشرط .. تقولوا و تحكوا
إزاي بقينا .. على بعض شداد
ولما تواجهوا ف يوم اعداؤكوا
بتكونوا واقفين ف الخلف .. بعاد
كفايه تماحيك ف تاريخ اجدادكوا
او تحكوا حكاية ثمود أو عاد
دا انتوا يادوب .. وكبير امجادكوا 
ده .. لو قلنا إن ليكوا .. امجاد
بصنع ايديكوا .. و بافعالكوا
احفاد القرود صبحم .. أسياد