عجبى على ناس واخده الدنيا فتحة صدر
عافية وبلطجة وقلة ضمير متغمس بالغدر
وكل بلوى فى شرعهم عارفين لها دية وسعر 
وكل برغوت على قد دمه فى شرع الفجر
اللى على قده سهل عليهم يقلعوه من الجدر
وعالى القيمة عاوز تكتة ومعاها شوية صبر
موازين مقلوبة مابترحم صغير ولاتوقر كبر
اندبح الحيا بقلة الحيا جزروه وودوه القبر
ياابن جنسى اتخلق لأنسي. مش للهجر
صبح على وانا امسى وشاركنى صلاة الفجر
واغفر زلتى وفوت غلطتى والتمسلى العذر
اشيلك فى الننى وتبقى سيرتك زى العطر
والدنيا منفاتة واللى حيبقالنا اطايب الذكر