مين منكم يقدر ياساده 
يقوللى فين نلقى السعاده
مكانها فين وعند مين
راحة البال جمع الملايين
وللا مساعدة محتاجين
وللا المناصب والسياده
سألنا فى كل النواحى
إللى نايم واللى صاحى
مررنا بجميع المناحى
مالقينا غير حرب وإباده
عرفونا ازاى نلقاها 
سنين سعينا كتير وراها
كلموها عل وعساها
شبعنا حزن كتير بزياده
قول يا عالم بالأمور 
عند مين نلقى السرور 
إزاى نقول للحزن غور 
وندوس عليه بالبياده
محتاجين نسمع لنصحك
إزاى نقضى يومنا نضحك
حالنا قدامك واضحلك
زعلانين دايما كالعاده
مين منكم يقدر ياساده 
يقوللى فين نلقى السعاده