بين اربع حيطان عالية وتحت ضل السقف
واقف على ارضية فاضية زى الخرابة الوقف
مامنها خير ولاشايفين من وشها حلاوة. قطف
وانا ساير وحاير بين اصل القانون وبين العرف 
بادور على ايدين تغيتنى من الانهيار والجرف
لاقريب ساعد بايده ولاغريب مد طرف الكف
وسنينى فاتت ووجعى عشق قولة الاه والنزف
شايفه ياامى عمايل وصلت معايا حد السخف
وقعت ياامى والسكاكين على. الرقبة والخف
دا انا كنت جمل شيال للتقيلة وللى حمله خف
ماكان شيلى منة ولا كنت ناوى يوم على الكف
لكن ارادة الله وارادته مالها بس ولا حتى وقف
حتما هيتبدل الحال مادام الزمان داير وبيلف 
القوى هيصير ضعيف والضعيف هيخش الصف
والمعروف باقى ولو صابه فى يوم القصف
والرب علام بالنوايا وثوابه لا يفنى ولا يخف