فى السياسه رأيك كفايه 
متبعش روحك وتبقى حكايه
لا يمين نافعك ولا حتى شمال 
ولا تضيع نفسك زى العيال
من صغرى وانا لسا وبحبى 
أستخسر اخسر فيها صاحبى
أحمل قنبله أحمل سلاح 
دا يبقى عقلى منى راح
مجنون اللى يقولك وطنيه
وتضيع عمرك وملكش ديه
أيوه أضحى لو فيه إرهاب 
أو فيه عدو واقف ع الباب 
فى فرق بين الوطن ونظام
الوطن بروحى أفديه تمام
لكن النظام يا سيدنا الشيخ 
هتضحى عشانو يصير تلبيخ
والله ياشيخ ولا حتى بوقتى
ولا مستقبلى ولا حتى شهادتى
عمرى مكون وقود لحرب 
طرفينها بعيد لتنين ع الضرب
لا ليا فيها ناقه ولا جمل
أنا ليا الموت وليهم الأمل
قولوا عنى بقى زى متقولوا
إنشاله تقولوا النهار بطولو