مصر مهما يكون هتعيش 
إفهم بقى يابن الغبى 
لا شعبها كفار قريش 
ولا اللى زيك ينفع نبى 
كل طعنه شفنا وسمعنا 
هنقول عليكوا ألف لعنه 
كبير صغير أو صبى
وكل قطرة دم تنزل 
تبنى جدار بينا وتعزل
خونه فوطن حر وأبى 
قول كمان وكمان سمعنى 
يمكن فيوم تقدر تخدعنى 
وللا بلاش لا تضيعنى
واصبح كمان زيك غبى
ويمكن اتعاطف مع حالتك 
واقول الإرهابى مش ابن خالتك
مش بضاعتك مش صناعتك
مش عمايلك خلتنى بيعتك
متنازل عن مكسبى
سب وقول واشتم فى شعب 
وابنى سور طلوعه صعب 
بالشكوك فى الراس حشوك 
لغموك تقتل أخوك 
الدمعه نازله على الخدود
على شهدا بيحموا الحدود
حق الشهيد لازم يجيلى 
يمسح دمعه جوا عينى
غير كدا رد معنديش
مصر مهما يكون هتعيش 
إفهم بقى يابن الغبى 
لا شعبها كفار قريش 
ولا اللى زيك ينفع نبى