خليك قريب في الكلام 
وبلاها تروح في الغرق 
دا الصدق زينه الكلام 
والكذب آفه ياولد 
خليك قريب في الكلام 
دا الكذب ديما مالوش سند 
أعمل حساب ليوم قريب 
ها نودعك بدون سبب 
الكل ها يتركك وحيد 
تواجه مصيرك يادي العجب 
الكل هايجري وقال يافكيك 
خلق الإنسان في كبد 
خليك قريب في الكلام 
وخلي كلامك من دهب 
دا المعلمة تكون بصير 
لكل كلمة ها تتكتب 
بشوف كتير معلمين 
ووخدنها صدر وطول شنب 
بس ياخسارة حلافين 
بأغلظ إيمان يادي الخطب 
النرجسية ذات كتير 
والتناكة بقت هبل 
والحورات بقت نشيد 
للي يحفظ من غير كتب 
ياسلام على العباد 
غاويين ذنوب غاويين لهب 
فين العقل فين الضمير 
الكل مات الكل رحل 
خليك قريب في الكلام 
دا مسيلمة زمنه عطب 
ليه نعيد من تاني الزمان 
ونقول دا مسيلمة داقق وتد