وفى الواقع
أعيش أحلام
ومواجع
وطيف العمر ياخدنى
ليوم راح
ماهوش راجع
وسنين العمر ترمينى
على أشواقى وحنينى
واعمل نفسى 
مش شايف
ومش سامع
ودمعى يجرى
على خدى
وبعد ما كنت بقول
مين زيى
ومين أدى
ألاقى العمر بيقولى
هدى خطوتك هدى
ماعاد العمر يتحمل
تشيل وتفكر
وعيش ايامك
واحمد ربنا 
واشكر
تعيش يومك
تعبد ربك
وتصوم وتصلى
وتقول " الله أكبر "
يارب انا عبدك
اقبل التوبة منى
ومين غيرك ياربى
اتوب إليه
وأستغفر