إحذر فأنت على وشك 
هتلاقى ناس بتفتشك
وبياعين كلام كلام 
وناس بتنصب والسلام
عالم بالخلق مش حاسه
أبو قرش بيخلوه بخمسه
واحد جشعان والتانى طمعان
يملوا جيوبهم من شعب جعان
ناس تلقاها بكل غتاته 
السعر ضربوه فتلاته 
واللى افتكر قام يحتكر
واللى بيغير لستيكر
واللى بينصب وبيستكرد 
ويبيع المصرى مستورد
واللى بيصنع تحت السلم 
دا اللى ف أرواحنا بيتعلم
وعماره بنوها وانتا سكنت
منغير لا حديد ولا أسمنت
ودا كلو يصير والجاى خطير 
دا كباب معمول من لحم حمير
فساد زمم .. وعالم رمم
تسرق وتثبط الهمم
وفلوس منغير ميشتغل 
المهنه حرامى ومستغل
بما أن إذن .. فأنا أشك 
إحذر فأنت على وشك 
هتلاقى ناس بتفتشك