أحسن ما فينا المسامح 
عن قوه أو عن ضعف
جميل وحلو الملامح
وربو يجازيه بالضعف
سيب للغبى حقك
مهما تكون خسران
لو خدها من بقك
توجع فيه المصران 
حقك مهش هيضيع 
وحياة أبوك متخاف
هيبان هوا وضيع
وتبان من الأشراف
هتكسب حب الناس
وحقك فوق محفوظ
مكتوب جوا الكراس
وتاخدو لما تعوز
شكل اللى ظالم وحش
شفناه كتير وقليل 
الوش شبه الجحش
والراس كمثل الفيل 
أما المسامح ملاك
والبسمه على وجهه
تتمنى يمشى معاك
وتصاحبو وتواجهه
إسمع كلامى واحكم 
فكر كدا براسك
سيب اللى متحكم 
وبيجرح احساسك
تكفيه فقط نظره 
وامشى ومتتكلمش
هتربى فيه حسره 
يمكن ينام ميقمش
أحسن ما فينا المسامح 
عن قوه أو عن ضعف
جميل وحلو الملامح 
وربو يجازيه بالضعف