كانت حياة بتمني أعشها 
من غير 
وجع وهم كبير 
ولا ألم يعلم الجبين
ولا مرض يمسك الحنين 
لكن الحياة كلها أنين 
وخطووووط عريضة
جوة مستقبل كبير 
لو حلمت تطلع دكتور 
عاوز جهد ومصاريف كتير 
ويدوب الحياة على اد الايد 
ابويا طالع عنيه في المشاوير 
وأمي مكفية في ليل طويل 
وانا أملي أكون دكتور. كبير 
لكن أمنت باليقين 
أن اللي معاه فلوس 
يقدر ع المستحيل 
عيش ولبس حرير في حرير 
وانت ايه يابن الشحاتين
عاوز تحلم وتكون دكتور عظيم
خليك تحت التراب تمسح الرجلين
اوعى تفكر أنك يوم هتكون 
من المعزومين في حفلة فيها 
وزير كبير 
ياواد ده انت 
أبن الغفير 
تمسح وتكنس وتقدم الطاعة 
لأجل لقمة العيش
وأبعد عنك الخطوط أصلها
ليها فروض 
لكن انت ما بتقدر حتى 
على القروض 
ياواد انت نسيت أنك يدوووب
تمسح وتغيب 
ملكش حد يسأل عنك لو اتسحلت
في المغيب
خليك جوه القاع اللي تحت النور 
لا شايف فيها شمس ولا عبور
غير فقر ومرض مقهور 
مش لاقي حتى ثمن الدكتور
لما تمرض وتموت في البدروم
مهي حياة بس للفلوس