خد منى الرايه خش ورايه أنا دورى خلص فى الروايه كلنا بنعدى وعلى يدى جيبنا مليان وللا مفضى دور بنأديه من فوق مسرح حافظين الدور وللا بنسرح عايشين فى حلم وللا فعلم كلنا بنأدى دور فى الفيلم فيه الأندال وفيه الأبطال والماشى دوغرى والبطال وفيه الأمير وفيه الشرير وفيه الناعم زى الحرير وفيه السلبى ويوجع قلبى مهما بننده ولا بيلبى وفيه المقهور وفيه المغرور والمخرج إحنا والجمهور وفينا اللى نقفله نسقفله وفينا المحتاج نتأسفله خد منى الرايه خش ورايه أنا دورى خلص فى الروايه
