لو انتا شاهد على العصر
قول كدا هتحكى إيه
أعصر مخك حبه عصر
وقول منغير ازاى وليه
شفت ناس على الكراسى 
نرفع مقامها نجلها
ولما تقوم تشوف مقاسى 
وناس تشوطها برجلها
وشفت ناس بتقول كلام
بس مبتعملش بيه
وناس كمان بتقول حرام
وليل نهار غرقانه فيه
وشفت ناس حلوين كتير 
وناس معندهاش ضمير
شفت البياع والطماع 
وشفت ناس بتجيب صداع
وناس جواها غير براها
وناس تتمنى تمشى وراها 
ناس من أول لحظه تبيع 
وناس تقول لا نستطيع
شفت المدير شفت الغفير 
شفت اللى كل حق الفقير
شفت الخرف والمحترف
وناس تشوفها تتقرف
شفت الجليطه والحليطه
وناس أمورها مظبطه
شفت ياما ودى العلامه
فى ناس بتتمنى السلامه
شفت إيه وللا إيه
شفت اللى عيب اقول عليه
لو انتا شاهد على العصر 
قول كدا هتحكى إيه