ولو أيامك اشتدت والدنيا قبالك اتحدت أقعد مع نفسك اتحدت ورخى معاها لو شدت إضحك ياشيخ ولا يهمك وهات عنك أشيل همك واديها صرمه تحترمك دى كانت هوجه وانفضت ملكش فقعدة الشله ولا ماسكه عليك ذله طالعه وياك أو نازله شد احبالك لو انشدت منتش ناكر ولا جاحد مظلمتش فيها ولا واحد وبتعبد ربك الواحد إجمد وياها لو جمدت خليك أقوى من الآلام بكره تتحقق الأحلام مهما تحمل لنا الأيام غمه وراحت بقى وعدت متحطلهاش فى الواطى متخافش دا ربك العاطى واياك مره لها تطاطى لو انشالت أو اتهبدت ولو أيامك اشتدت والدنيا قبالك اتحدت أقعد مع نفسك اتحدت
