كنت زمان بنادي على
زمني
لكن زمني مسمعنيش ...
عاودت الندا عليه
من تاني
لكن حظي مسعفنيش ...
آه يازمني خدت ف وشك
وسبتني لواحدي
ف وسط وحوش .......
ليه يازمني تكسر
نفسي
دانا كنت بس
نفسي أعيش .......
وأمشي وسط الناس
والحارة
أعمل فيها شاب عريس ...
فيها أيه لو كنت سمعت
وأدتني الفرصة
زيي المتاريس ......
ال وقفوا حجر ف حياتي
وقلبوا الدنيا عليٌ هاويس ...
خدوا ال كان مكتوب
على أسمي
وقالوا سلام
عيش أنت تعيس ......
شوفت يازمان الناس
ف زمانك
هوايتها الكوسة والتدليس ...
أنا يازماني ^^^^^^^
هافضل أبكي
مش علشان
البكا رخيص ......
لا وحياتك ***
أنا ... والله
هافضل أبكي
على الأيام
ال راحت تدريس ....
صعبان عليٌ
ضياع العمر
خلف البحث
والتمحيص .......
حتى ال ممكن
بقا مش ممكن
بقا حورات
بقا ترقيص ....
أبو قرش
بقا ب أتنين
حاجة كدا
ملهاش مقاييس .
واللي معاه بقا
هو الأوحد
والباقي بره
خلف الكواليس ....
آه ياحبيبي آه يازماني
شوفت الحوسة
شوفت التنكيس ......