حياتنا دى مسأله واللى يحلها بيلوص ساعات تكون معضله وبحر جوا تغوص علبه تشوفها مقفله كل اللى فيها تروس تروس حديد وتروس ورق تروس بتاكل من عرق وتروس سنانها بتنسرق ويضيع منها كل الفلوس سعد بيسلم سعيد ييجى وراه عبد الحميد وريد وبيسلم وريد واللفه ترجع من جديد وتروس بتفارق النفوس تروس غلابه زينا وتروس تانيه مش مننا تروس بتعبد ربنا وتروس تقول عنهم مجوس كل شيئ موزون فكفه وكل واحد بيلف لفه فيها زرع وفيها قلع وفيها شمع وفيها دمع وفيها فرحه كمان وزفه وفيها ناس تحضن تبوس وفيها ترس يلف لوحده ويوقفوه عند حده لفه وآخرها يلاقى لحده وينادوا يللا ع اللى بعده ويوماتى تتغير تروس
