وفين بس الكلام اللي
يفوت ع الجرح ويخلي
عيون بكره تشوف ضلّي
ونازله الحلوة فوق راسي
بكوم نبابيت
**
وأنا المسجون بحريّه
وخانق روحي بإديّه
وأنا اللي سنين كاويني الشوق
وهيا ،،ما رضت بيا
عشان أخلصت ف النيّة
ولا اتعديت
***
مشيت والدرب مش دربي
مشيت ف الصبر متخبّي
وكل اللي يفوت جنبي
بيعرف أد إيه مليت
،**
وقالوا بكره تتهنى
خلاص مش قادر أستنى
وكل نصيبي م الجنه
يدوب فتافيت 
**
**
بقيت من حالي مستغرب
قوليلي بس فين أهرب
وأنا اللي العشق خلاني
ف كفك بس أنا بشرب
ولو تنقيط 
**
**
ووعدك ليا فين هُوّا
وكل العزم والقوة
فاتوني وراحوا جنب الحيط
**
وجوا القلب أشواقه
شجر
دبلانه أوراقه
وبين القرب وفراقه
عرفت إن بصحيح إزاي
يحب القط خنّاقه
كما الحواديت 
**
على جبيني كتبت اسمك
ورسمي ف الوشوش رسمك
وكل جراحي من
حسمك
بتدارى ف قماشة بخيط
**
أقولك إيه وأعيد تاني
وأنا سجناني أحزاني
وليل ونهار ملازماااني
بدون تخطيط
**
يا بنت الناس أنا فجرك
ربيعك ،،،
بسمتك ،،،،، صبرك
ونفسي ف يوم أحس إني
ضناكي
وأمر من أمرك
مدى التوقيت
**
بشوفك ف الوجود نسمة
معايا ف جرحي متقاسمة
وإمتى تكوني مبتسمة
لجراح فرافيت
**
وإمتى تكوني مبتسمة
لجراح فرافيت