هاترحلى ؟؟؟ / ماترحلى
هاتعودى بُكره / وتزعلى
عُمرك لحبى / ماتوصلى
يالا ارجعى لى / واعقلى
صدقينى انا / حُبى ليكى
وقلبى بالغالى / شاريكى
وأسالى دمعه / عنيكى
وأسألى رعشه / ايديكى
الحب مش / هجر وخصام
ولا كلمه حلوه / والسلام
الحب مش / موضوع كلام
ولا ده حلال / وده حرام
الحب عندى / له اصول
وقت السكوت / قلبى يقول
والعين بتحكى / وقت الخمول
واحلم بحبى /والليل يطول
ولحظات دلع / رفض وقبول
بعد الكلام ده / هاتقبلى
ولا خصام / وهاتزعلى
لساكى برضو هاترحلى / ؟؟؟ ارحلى