كل اللي باقي ذكريات وحبة وجع وحبة اهات ورفوف كتيرة علي الحيطان فوقها صور كل اللي مات وتحتها رفوف الرسايل مكتوبة ع البخت اللي مايل واقلام كتيرة علي كل لون وحبر جاف وحبر سايل والعيشة مره اتغيرت وكل القلوب اتبدلت واتحولت واتعدلت ومعتش فيها حد طايل لا راحة ولا حبة فرح أصل اللي باقي ازاي ينشرح ومين هيحس وجع القلوب غير اللي مادقش الفرح وفي عز فرحه انجرح مهو اللي ماتوا مفيش زيهم وصعب نلاقي شكلهم بياخدوا الطيابة والاصاله ويرحلوا ويفضل بقيلنا ذكريات من حبهم
