بعدين معاك ياحظ .
شاطط ورايح فين
على طول واخدني لف 
وجري شمال ويمين
سايق عليه المكر 
ومشحطط روحي السنين
أهدا عليه ياحظ 
وكفاية كدا تلوين
من يومي واخدها فحت 
وسهران الليالي حزين
لا نمت يوم على فرش 
أيام تخض الجنين
مش عيب تبعني ياحظ 
لدنيا ورتني الجحيم
كنت فاكرها سعد 
طلعت عذاب وضنين
دنيا عجوزة ياحظ 
لعمرها بلت ريق
مع الفقير بتشد 
خلت حياته أنين
سرقت مننا العمر 
قبل مايحين الرحيل
سرقت العمر غصب 
وأستباحت يابس خزين
بقا كدا يكون العدل 
ولا الميزان بروحين
ياحظ كفايا غلب
وأمشي طريقك مستقيم
خلاص ماعدش فينا جهد 
لنجري خلف السنين
دا العيشة طعمها مر 
هانجري ونسابق مين
ياما بكينا ياحظ 
بكمالتها نعيش مظاليم