محتارين علشان حبيت
وعن شوقي وحنيني حكيت
وعن غياب حبيبتي 
وبعدها عني ليالي 
شكيت و بكيت
وبيحسدوني لما بيلآقوني
معاها وفرحان بهواها
وبيغيروا مني لو شافوني
باتكلم أو بضحك معاها
حيروني معاهم واعمل إيه
مش عارفين إيه اللي بعانيه
شايفين ضحكة شفايفي
ومش شايفين خوفي عليها
هو انا ليا مين غيرها
يالآيمين
وبقيت عايش ليها
وإن راحت مني
هيبقالي
في الدنيا تاني إيه
اروح منكم لمين 
يواسيني وينسيني
ويصبرني علي لومكم
ويمسح دمع عيني 
اللي بقاله في عيني سنين
ويرحمني منكم
عايش مع حبيبتي
علي الحلوه والمره 
وراضي معاها بقليلي.
ومش عايز من الدنيا 
غير حبها ورضاها.
عايزين ايه مني قولولي
تعبت كتير في حياتي
وفضلت اداري واخبي حبي
وجوايا حنين وانين 
وغصب عني 
گان متحمله قلبي
وكنت خايف يبان عليا
وتفضحني فرحة عنيا
كنت شايف الفرق بين حبي
وحبها كتير كبير
وياما قولت 
لقلبي ازاي تحب بالشكل ده
ومن غير ياقلبي تفكير
ياما عيشت خايف 
من لمعة عنيا تبان عليا 
والقي عزالي بيحسدوا فيا
لما كنت اشوفها 
والقي نفسي 
فى عز فرحتي بيها
واحس برعشة احاسيسي
والقي عيني تايهه 
في جمال عنيها
واقول يانفسي خبي
علي حسادي وعزالي 
ضحكتي
وياما قلت خلآص
راح عمري وفات 
من غير حب يفرحني في دنيتي
صدقوني مكنتش اعرف 
ان الأيام هتضحكلي
وحبيبه ابتدي معاها عمري تبعتلي
وتحبني واهواها
اتاري الحب قدر مكتوب
وف أوانه بيجي 
وبيغير كل شيء من حال لحال
وجاني وعيشت الحب
اللي كنت باتمناه 
وكإني عايش في الخيال
وراحت دموع عيني
واتبدلت في ملامحي
إبتسامتي وضحكتي
وحسيت بحلآوة الأيام
حبيبتي لما حبيتها
خدتني لدنيا ولا في الأحلام
وعوضتني عمر ضاع
ورجعتلي شبابي
اللي افتكرته مني رآح
ونسيت مع حبيبتي
كلمة ندم ع اللي راح 
وخلت ايامي كلها افراح