وحشتنا وقولنا نزورك
نتملى بأدبك وبنورك 
لما تعدى استنى وهدى 
واشرح حالك من منظورك
منتا بقالك مده فايتنا 
ولابتخبط على باب بيتنا 
وفايتنى لوحدى يا غالى 
ولا شيئ منغيرك يحلالى
وسألنا وقالوا ركب قطره 
دا باينو واخد على خاطره
مش قصدى وسيدى المتولى
مين يقدر على زعلك قولى
يا عشرة عمرى منقدرشى
علشان خاطرى متزعلشى
لو كنت اتسببت فجرحك 
هنبوس على راسك ونصالحك
أرجوك ريحنى وسامحنى
دا خصامك مش هيريحنى
نفسى وياك مش محتاجه
فى الدنيا أبدا ولا حاجه
ووحشتنا وقولنا نزورك 
نتملى بأدبك وبنورك