لفيت الدنيا على كعبى 
وحيلى اتهد من تعبى 
ودوايا كلامى جوايا 
قلبى مليان ومتعبى
فصغرى قالوا ياصغير 
كبرت وحالى ما اتغير 
وسؤالى عابر يا أكابر 
لإمتى هتنى متحير
حاسس بيكى حسينى 
وشيلى الحزن من عينى 
دنا قلبى بيكى متعلق 
وبحبك ليه تلاوعينى
مع شمسك اصحى واتأمل 
تقولى الكلمه وانا اكمل 
وبأمرك ادور مع قمرك
سمعنى بشكى ماتحمل
أنا آدم واضح يا حوا
من برا زى من جوا
ومش عالوش حلو يغش
ومن جوا .. مهش هوا