أما ياغاليه لو تشوفينى كان قلبك عليا يرق أصبحت باكل اللى يجينى مبقولشى على حاجه لأ أكل بايت .. رز شايط مفيش بدايل وللا وسايط منغير نفس ياعم وزق أصبحت أقر وأعترف إنى بعدك شوفت القرف واقول كمان ولى الشرف كنتى طول عمرك على حق ياما قلت الأكل دا حادق وتردى تقولى إنتا الصادق أدينى دلوقت خلاص بادئ ميتفتحش ليا بق ياسلام عليا وعلى دلعى دنا كنت معاكى فارد قلعى اتعلمت الأدب الشرعى ودماغى منى خلاص هتطق عملت دايت ويا رجيم وخلاص ياروحى خلص الجيم ثم استعذت من الرجيم وحطيت العشره ف الشق أما يا روحى لو تشوفينى كان قلبك عليا يرق
