السقعه داخله ولا هاممها حد ياجماعه يكلمها قاعده ويانا وسامعانا والناس بردانه وسقعانه إمشى يا دفايه يا حربايه دا فاتورة الكهربا ويايه عملنا توفير وتقشف جلدنا م البرد هيأشف والحل إيه يا شيخ عطا دا البرد أشد من الغطا الله يرحم أيام الفرن كنا نولعو وننام ف الجرن وفوسط الدار فيه راكية نار نسهر حواليها نحكى الأسرار كان لما يجيلنا جماعه عزاز نجرى نولع بواجير الجاز متقومى يابت يا سعديه إندهى على خالتك فتحيه وازعقى على عمك محمود وهاتيه وياكى لو موجود وهاتيلنا صنية العشا وهاتك يا ضحك وفرفشا ونحمص حبة سودانى والشاى دور أول دور تانى الله عليك يا برد زمان جمعت حبايب مع خلان
