محروسه يامصر من عينهم 
يابلدنا ياحلوه .. محروسه 
دنتى اللى لوحدك من بينهم 
تستاهلى ياغاليه ميت بوسه 
أصبر يارياض لو تعبك زاد
اليوم دا زرع وبكره حصاد
وبلاش بقى تزعل وللا تخاف 
ما دمت بتسعى ورا أهداف
نفهم ونشوف معنى الحروف
فيهم المتغطى والمكشوف
لاتقوللى أوروبا ولا فرنسا
وللا احنا لحقنا خلاص ننسى
إحنا وعينا وفهمنا الدرس
من يوم ما بلدنا اتهرست هرس
الحرق .. حرقنا .. كلنا 
والضرب .. وجع .. لنا قلبنا
قولوا من تانى دا مسمعشى 
إن اللى راح مبيرجعشى
معرفش إن الدنيا كدا 
ولا إن فيها كدا وكدا 
حبه وحشين وهيخلصوا
وشويه فينا بيخلصوا
قولوا ان العيب مش عيبو
دا الكل خايف على جيبو
خليه يفهم بردو الأول
يمكن مشوارنا هيطول
ومهش غلطان على فكره 
بيفكر فى اللى جاى بكره
وبكرا هييجى بنهارو
وهيوعى كلامى بتكرارو