فين اراضيك

بتبعد ليه وتتهرب

سايبني ليه ومتغرب

 واتعذب ونفسي ارضيك

ومش عارف اروحلك فين

وارجع ضحكتك تاني

وكيف اراضيك

صحيح رضيت اكون ذكري

مجرد صوره او فكره

مليش بكره

ولما تفتكر اسمي

تقول عني باني ماضيك

لمين اشكيلو هجرانك

وطول بالك وعصيانك

لمين اقاضيك

دا ياما سهرت علشانك

ومهما كنت تتأخر

انا راضي ومستنيك

يطول الليل ويتبخر

انام واصحي واتصبر

لاني بحب مش اكتر

ومهما كنت تتغير

اصالح فيك

تعالي مره علي نفسك

وصافيني

ورجعلي جميل همسك

وطلع في سماي شمسك

وخد املي وهات يأسك

ودفيني بشوقي اليك

(بقلمي:عبدالصبورعليانى)