عند باب الإعتراف

كان ف غاية الإرتباك

مش لأنه كان جبان

وف عيون الأغلبية

 كان ضحية...!!

لكن فى حكم الذات..

مدان..ألعبان..

موسوعه ف فنون الخداع

والإنحراف...

وازاى يبدل أقنعه...!!

ويبان مثالى بامتياز ..!!

إنسان إزاز ....

لكن ف لحظة ملتقى...

جزء م العمر القديم....

مصبوغ بألوان الزمن...

ملفوف بجدران الندم ...!!

فك الرموز.....

والعافيه غرقت ف الوهن...

خرج اللسان من قمقمه....

قاطع خيوط العنكبوت

كانت ليلاتى بتحكمه...

وتكممه.....و تكممه ....

قصيدة إنسان إزاز

من ديوانى الثالث

#إيزيس_غانم