برسل ليك السلام

على هيئة ورد الغرام

بقولك قرب شوية

ده القلب زاد الهيام

برسلك من الشوق كتير

ياقلب كله خير

أرجوك ما تنسى قلبى

يا عطر فى ريحة العبير

بشوفك بين سطورى

بتنادى يا ناس غيتونى

من عاشق نظرة فى رمشى

خلانى زاد جنونى

ظلمانى الدنيا ليه

فى البعد عن عنيه

ما كفاية العمر عدى

وانا مشتاق فى ذكرى فيه

والله برسل سلام

أسمع بس الكلام

والشوق اللى فى عيونى قرب

بلاش تسكن ظلام

أه لو تعرف هواك

ظالمنى كتير معاك

لما تاخدنى عيونك

تسبقنى الدموع وراك

فرحان وانا بين ايديكى

وانا بكتب كمان عليكى

أنك حياتى وروحى

اللى أشتاقت هواكى

نفسى أضمك فى حضنى

وتبقى فى معزة أبنى

تفديكى روحى وعمرى

وأعيش العمر معاكى

رسلت ليكى رسايلى

يارب تفهم عمايلى

لما الجنون يصيبنى

لما تبعد يا قلبى

يالله يالله سلام

انا خلاص رايح انام

وسايب قلبى معاكى

يحكى معاكى الغرام

.................................

محمد لبيب مصيلحى