نور هادى
شاعر الفردوس
يكتب خربشات نثرية
...............................................................
(سلمى)
سلمى وهنية
وهيبة وبهية
وصيفة وعلية
والثلاث طلقات
والعالية فى الذات
الأولة : على اسم مصر بالذات
اتعملت المصارى
واتسكت العملات
واتقالت الأمثال
والفتى مهران
والعم والخال
ورشدى والعزبى
والشرقاوى وجاهين
والثانية : العمر اللى اتولد
فى الطرحة والشال
و التوهة فى الننى
وفوق الشفايف خال
ووش القدم خُلخال
والترتر والحرير
والبيت الكبير
واخواتى عدوا عشرين
وبرضوا خسرانين
طيب أكلم مين ولا مين ؟؟
قوول يا حمام
ماهم ملايين
ويارتهم ملايانين
مش فاضين
متقلشى أطقم ملامين
مكسورين جاهزين
للغرف
واغرف لمين ولا مين
جاعنين ولا شبعانين
واحنا قاعدين فى محطة مصر
بالزوفة والدوخة والظلمة فى الأوضة
والبروفة والروقة والفيران فى القصر
بتتشال وبتتحط
واحنا الغلابة مصيرنا فين ؟؟
والثالثة : لسة ماجتش لما نشوف فيها أيه ؟؟
وسلمى يا سلامة وزى ما رحنا جينا بالسلامة .
.................................................................................
بقلمى :
كتبها : نور هادى
شاعر الفردوس
