( ندم السنين)
اتولدنا بروح واحده
عايشه في جسدين إتنين
دقات قلبي كانت للحبيبه
ودقات قلبها كانت كلها حنين
ترعرعنا في احضان واحده
كبرنا وكنا لبعض مكتوبين
واحلي ايامنا كانت ف الجامعه
علي دكه واحده كنآ قاعدين
ونجحنا و خدنا أحلي شهاده
وقررنا نبات يومها مخطوبين
وبعد الخدمه العسكريه
كانت الفرحه يومها فرحتين
وكانت ليله ولا الف ليله
لأحلي وأجمل عروسين
وصممت يومها اقود سيارة الذفه
وحبيبتي جنبي والزينه ع الصفين
في طريقنا لشهر العسل واجمل فسحه
وده كان حلم عمرنا طول السنين
ويادوب واحنا في نص المسافه
قابلتنا في العكس سيارتين
تريلآ كبيرة وفيها مقطوره
والتانيه بيقودها شباب وسكرانين
كان كل همي انقذ حبيبتي الغاليه
ومفكرتش لحظه واحده في نفسي
وفشلت محاولاتي وكان نصيبي الغيبوبه
وبعد فتره بيقولوا أكتر من شهرين
عرفت اني عملت أكبر حادثه
وافتكرت اصعب لحظه كنا يومها إحنآ الإتنين
انا وحبيبتي وروحي وحياتي ونور عنيه
سألت عليها وانا ملهوف هي راحت فين
وعرفت منهم بموتها يوم الحادثه المشئومه
جريت ف الشارع مجنون مش داري بنفسي
ودموعي وصياح أهآت البكاء علي حب عمري
ياناس محدش شاف حبيبتي وحته مني
لقيت نفسي بأجري وأهآتي سبقاني لحدقبرها
وفضلت احفر بايدي التراب عشان اطلعها
ياإمآ أنزل قبرها وأفضل علي طول بحضنها
إزاي ياناس حاعيش يوم واحد من بعدها
وحعيش لمين وكان حلمي هو نفس حلمها
دا هي حبيبةقلبي وروحي كانت مع روحها
وكنت السبب يوم الفرح إني أنا إللي موتها
(خواطرحبيب معذب)
( أشرف الدغيدي )
