نور هادي
شاعر الفردوس
يكتب :- ( أوتار السمسمية )
.....................................
أوتار السمسمية
طالعة تبارك حلمها
من خنها جوه التابوت
السمسمية
والدمعة قاتلة رصاص منعها
فى قلب دكان الحانوت بتفوت
البندقية
والفرحة تِرقَّص ثعبان وسطها من
جمال بهوها بتهوى الذهب والتوت
الشكمجية
والغنوة طالَّه واحنا بنسمع لحنها
لساها بره دولاب الخوف خايفة
ومستحية
على الريَّان وعلى العطشان وعلى
ياسين والأرض مش ممكن تموت
ولا بهية
سامع حروف الدم تبكِّى عيون السوسنة
والكلام مش لازم يكون فارس سكوت
المغربية
فى قلب نبض دايرة عمرنا السنية
سكتنا عشش عليها العنكبوت
والعنجهية
وانطفى الغليان واتجفف الفيضان
وريحة المجد ما تنهد بالعدوان
ولو كان السلاح أشكال وألوان
ولو نقص الطعام والقوت
والعيشة الهنية
دا الحب أول سِلِّمه تكتب قصيدة غرام
للزقاق والحارات والشوارع والبيوت
والمشربية
فى عمرها ماشافت حد يظلها
ومعاها اتشجرت بقعة شطوط
المشمشية
شاعر رسالته الكلام الأبهة
حيران فى العشق لساه ولد سفروت
والمُهر عفيَّة
بتقاسم الرغيف حضننا بخفيِّه
وتقدر تعود للسرج والنبوت
وعيون وصيفة والملاغية
تحلم تموت وما تدفن كالحوت جوَّه
حضن المطبعة حروف الشعر عاشقة
الرواية والمسرحية
والملك والملكوت وخالق القوة والجبروت
وفارشة خيوط السما وفارده قلوع الكون
المكرمية
وآه من حبيبتى وأيامها العجاف
وأوتار السمسمية
وحكاوى عروس النيل والقطن والنوار
والمجدلية.
.............................................
.
بقلمى كتبها :- نور هادى
شاعر الفردوس
إظهار مزيد من ا
