قصيدة جميلة جدا للشاعر ناصر الجيل تحفة بجد

بخبى عليك 
عشان لو قلتلك زعلان ده مش هايفيد 
صحيح جنبى لكن قلبك فـ حته بعيد
وعارف انك فى يوم هتقول محبتنيش 
وبعد العشره مش هاين عليا انساك 
وانا كل الـ فـ إيديا عملته معاك 
وجودك جنبى مكسب ليك متخسرنيش
حاجات جوايا تعبانى ومبقولهاش
ومش بقدر اقولك لآ متعملهاش
وتبقي خلآص عـ لسانى لكن بسكت 
واقول جواك هموم يامآ مزودهاش
بخبى عليك
واحاول انى اغير فيك مفيش تغيير 
واقول هاتحس انى معاك تعبت كتير 
ومهما عملت بتحمل واقول معزور 
ومش معنى انى حبيتك و مخلص ليك 
تحسسنى آن حبى ده كله فرضتو عليك
ومش عارف اقول ده تعالى ولآ غرور
حاجات جوايآ تعبانى ومبقولهاش 
ومش بقدر اقلك لآ متعملهاش 
وتبقي خلآص عـ لسانى لكن بسكت
واقول جواك هموم يامآ مزودهآش